மட்டக்களப்பு மாநகர சபைக்குட்பட்ட வீதிகளில் போக்குவரத்து செய்ய முடியாத அவலநிலை

(கே.எஸ்.வதனகுமார்)

அண்மையில் ஏற்பட்ட பாரிய வெள்ளம் காரணமாக மட்டக்களப்பு மாநகர சபைக்குட்பட்ட பல வீதிகள் சேதமடைந்துள்ள நிலையில் இவ்வீதிகள் இதுவரை திருத்தப்படாத நிலையிலுள்ளன.

மாநகர எல்லைக்குள் உட்பட்ட பல வீதிகள் மிகவும் மோசமான நிலையில் காணப்படுகின்றன.

ஜெயந்திபுரம் பாடசாலை வீதியில் வனத்தந்தோனியார் ஆலயத்தின் பின்புறம் பிரதான வீதயில் ஏற்பட்ட பாரிய உடைவு இதுவரை திருத்தப்படாத நிலையில் காணப்படுவதனால் போக்குவரத்து செய்ய முடியாத நிலை காணப்படுகின்றது.

இதே போன்று ஜெயந்த வீதியும் திருத்தப்படாமல் உள்ளது. இதனால் பல விபத்துக்கள் இடம்பெற்றதுடன் பல வாகனங்கள் புதைந்த சம்பவங்களும் இடம்பெற்றுள்ளன.