மாரடைப்பினால் கடமையிலிருந்த இராணுவ வீரர் மரணம்

-ஆர்.ஜெயஸ்ரீராம்,எம்.எஸ்.எம்.நூர்தீன்

மட்டக்களப்பு தொப்பிகல இராணுவ முகாமில் கடமையாற்றிய இராணுவ வீரர், ஞாயிற்றுக்கிழமை (01) கடமையில் இருந்தபோது, மாரடைப்பு காரணமாக உயிரிழந்துள்ளதாக, வாழைச்சேனை பொலிஸார் தெரிவித்தனர்.

மாவனல்ல பிரதேசத்தைச் சேர்ந்த லான்ஸ் கோப்ரல் செனவிரட்ன ஜேபி (வயது 58) என்ற இராணுவ வீரரே இவ்வாறு உயிரிழந்துள்ளார்.

இவரது சடலம் வாழைச்சேனை ஆதார வைத்தியசாலையில் வைக்கப்பட்டு பிரேத பரிசோதனையின் பின்னர் சடலம் உறவினர்களிடம் ஒப்படைப்பதற்கான நடவடிக்கைகளை இராணுவத்தினர் மேற்கொண்டு வருவதாகவும் பொலிஸார் மேலும் தெரிவித்தனர்.