32 பொலிஸுக்கு தொற்று; பொலிஸ் நிலையத்துக்கு பூட்டு

கனகராசா சரவணன்

காத்தான்குடி பொலிஸ் நிலையத்தில் கடமையாற்றும் பொலிஸாருக்கு இன்று (26)  மேற்கொள்ளப்பட்ட அன்டிஜன் பரிசோதனையில்,

பெரும் குற்றப்பிரிவு மற்றும்  சிறு குற்றப்பிரிவு பொறுப்பதிகாரிகள் உள்ளிட்ட 32 பொலிஸ் உத்தியோகத்தர்களுக்கு கொரோனா வைரஸ் தொற்று, உறுதிப்படுத்தப்பட்டுள்ளது.

இவ்வாறு கொரோனா தொற்று அடையாளம் காணப்பட்ட பொலிஸார்,  சிகிச்சைக்காக வைத்தியசாலைக்கு அனுப்பி வைக்கப்பட்டுள்ளனர்.

இதனையடுத்து பொலிஸ் நிலையம் தற்காலிகமாக பூட்டப்பட்டுள்ளதுடன்  கிருமிநாசினிகள் தெளிக்கப்பட்டு, மீண்டும் திறப்பதற்கான நடவடிக்கைகள் மேற்கொள்ளப்பட்டுள்ளதாக அறிவிக்கப்பட்டுள்ளது.