அரிசி மூடைகளுடன் கவிழந்தது லொறி

எஸ்.கணேசன்

ஏறாவூரிலிருந்து நுவரெலியா வழியாக பொகவந்தலாவ பகுதிக்கு, அரிசி மூடைகளை ஏற்றிச் சென்ற லொறி, இன்று (06) விபத்துக்குள்ளானதில், சாரதியும் உதவியாளரும் படுகாயமடைந்த நிலையில், நுவரெலியா மாவட்ட வைத்தியசாலையில் அனுமதிக்கப்பட்டுள்ளனர்.

நுவரெலியா - ஹட்டன் பிரதான வீதியில், ரதெல்ல குறுக்கு பாதையில் வைத்தே, குறித்த லொறி வீதியை விட்டு விலகி பள்ளத்தில் பாய்ந்து விபத்துக்குள்ளாகியுள்ளது.

லொறியில் ஏற்பட்ட இயந்திரக் கோளாரே இந்த விபத்துக்குக் காரணம் எனத் தெரிவித்த நானு-ஓயா பொலிஸார், லொறியிலிருந்த 400 அரிசி மூடைகளை, பிரதேச மக்களின் உதவியுடன், மற்றொரு லொறியில் ஏற்றிச் செல்ல நடவடிக்கை எடுத்ததாகவும் தெரிவித்தனர்.