அலைபேசி மீள்நிரப்பு அட்டைகளுடன் இருவர் கைது

ஆர்.கோகுலன்

எல்ல பொலிஸ் பிரிவுக்கு உட்பட்ட கும்பல்வெல நகரில்,  குறைந்த விலைக்கு அலைபேசி மீள்நிரப்பு அட்டைகளை விற்பனை செய்துவந்த இருவரை, இன்று மாலை பொலிஸார் கைதுசெய்துள்ளதுடன், 53,087 ரூபாய்  பெறுமதியான மீள்நிரப்பு அட்டைகள் மற்றும் 25,000 ரூபாய் பணத்தையும் பொலிஸார் கைப்பற்றியுள்ளனர்.

இதேவேளை, 30 மில்லிகிராம் நிறையடைய ஹெரோயின் பக்கெட்டுகளையும் பொலிஸார் கைப்பற்றியுள்ளனர்.

பசறை, வெலிமடை ஆகிய பகுதிகளைச் சேர்ந்த இருவரே இதன்போது கைதுசெய்யப்பட்டுள்ளனர்.

மேற்படி இருவரும் பல்வேறு திருட்டுச் சம்பவங்களுடன் தொடர்புடையவர்களென, ஆரம்பக்கட்ட விசாரணைகளில் தெரியவந்துள்ளது.