ஆற்றில் இரசாயனம் கலப்பு

கு.புஷ்பராஜ்

லிந்துலை - எல்ஜின் வனப் பகுதியிலிருந்து, மெராயாவூடாக மேல் கொத்மலை நீர்த்தேக்கத்துக்கு நீர் ஏந்தும் ஏற்றில், இரசயானப் பதார்த்தங்கள் கலக்கப்பட்டுள்ளமை தெரியவந்துள்ளது.

இதனால், குறித்த ஆற்று நீர், கறுப்பு நிறமாகக் காணப்படுவதாகவும் நேற்று  (23) மாலையிலிருந்து, மீன்கள் இறந்து மிதந்து வருவதாகவும் தெரிவிக்கப்படுகின்றது.

மீன்கள் இறந்து கரையொதுங்கிய​தை அடுத்தே, ஆற்று நீரில் இரசாயனம் கலக்கப்பட்டுள்ளமை தெரியவந்துள்ளது. இந்த ஆற்று நீரில், இரசாயனம் எவ்வாறு கலக்கப்பட்டதென்பது தொடர்பான விசாரணைகளை, லிந்துலை பொலிஸார் மேற்கொண்டு வருகின்றனர்.