‘உமா’-ஐ ஆராய உப-குழு

உமா ஓயா அபிவிருத்தி வேலைத்திட்டம் காரணமாக, பதுளை மாவட்டத்தில் ஏற்பட்டுள்ள பிரச்சினைகளைத் தேடியறிந்து, அதற்குத் தேவையான நடவடிக்கைகளை எடுப்பதற்கு, அமைச்சரவை உப-குழுவொன்று நியமிக்கப்பட்டுள்ளது.  

அமைச்சர்களான மஹிந்த அமரவீர, சம்பிக்க ரணவக்க, விஜித் விஜயமுனி சொய்ஸா ஆகியோரைக் கொண்ட உப-குழுவே இவ்வாறு நியமிக்கப்பட்டுள்ளது.  

அரசாங்கத் தகவல் திணைக்களத்தில், நேற்று (28) இடம்பெற்ற வாராந்த அமைச்சரவை முடிவுகளை அறிவிக்கும் ஊடகவியலாளர் சந்திப்பில் கலந்துகொண்ட அமைச்சரவை இணைப்பேச்சாளர்களில் ஒருவரான, அமைச்சர் தயாசிறி ஜயசேகரவே மேற்கண்ட தகவலை தெரிவித்தார்.