ஊடகவியலாளர் காலமானார்

-எம்.செல்வராஜா                             

உடல்நலக் குறைவு காரணமாக, பதுளை வைத்தியசாலையில் அனுமதிக்கப்பட்டிருந்த பிராந்திய ஊடகவியலாளரான இராமநாதன் வல்லரசன், சிகிச்சைப் பலனின்றி, தனது 55ஆவது வயதில், செவ்வாய்க்கிழமை இரவு மரணமடைந்துள்ளார்.

பசறையைச் சேர்ந்த இவர், கடந்த 20 வருடங்களாக ஊடகத்துறையில்  சேவையாற்றி வந்ததோடு, ஊவா தமிழ் ஊடகவியலாளர்கள் 'யுனிமீடியா' அமைப்பின் பொருளாளராகவும் செயற்பட்டு வந்தார்.

அவரது இறுதிக் கிரியைகள்,  இன்று பிற்பகல் 2.30 மணியளவில் டெமேரியா தோட்டத்திலுள்ள அவரது இல்லத்தில் நடைபெற்று, தோட்ட பொதுமயானத்தில் நல்லடக்கம் செய்யப்படவுள்ளது.