ஊவா வெல்லஸ்ஸயிலும் மாணவர் அமைப்பு உதயம்

ஊவா வெல்லஸ்ஸ பல்கலைக்கழகத்தில், முதன் முறையாக மாணவர் அமைப்பு ஸ்தாபிக்கப்பட்டுள்ளதாக தெரியவருகிறது.

12 வருடகால வரலாற்றைக் கொண்ட இந்தப் பல்கலைக்கழகத்தில், மாணவர் அமைப்பு என்ற ஒன்று இதுவரை உருவாக்கப்படவில்லை என்பதுடன், இப்பல்கலைக்கழகத்தில் எவ்விதப் போராட்டங்களோ, வகுப்புப் பகிஷ்கரிப்போ முன்னெடுக்கப்படவில்லை என்பதும் குறிப்பிடத்தக்கது.

இந்நிலையிலேயே, பல்கலைக்கழக வரலாற்றில் முதற்றடவையாக, மாணவர் அமைப்பு ஸ்தாபிக்கப்பட்டுள்ளது.

இந்த அமைப்பில் அங்கம் வகிக்கும் சுமார் 250 மாணவர்கள், சைட்டம் தனியார் மருத்துவக் கல்லூரிக்கு எதிராக, கடந்தவாரம் பதுளை நகரில் முன்னெடுக்கப்பட்ட மாபெரும் ஆர்ப்பாட்டப் பேரணியில் பங்கேற்றமை குறிப்பிடத்தக்கது.