கண்டி நகரில் புதிய போக்குவரத்துக் கட்டமைப்பு

கண்டி நகரில், புதிய போக்குவரத்துக் கட்டமைப்பை நடைமுறைப்படுத்துவதற்குத் திட்டமிடப்பட்டுள்ளது. பொதுப் போக்குவரத்து சேவையின் தரத்தை மேம்படுத்துவதற்காக, கண்டி பன்முக போக்குவரத்துக் கட்டமைப்பொன்றை நிர்மாணிப்பதற்கே திட்டமிடப்பட்டுள்ளது.

இந்தத் திட்டத்தின் மூலம் அழுத்தத்துக்கு உள்ளாகும் ரயில் திணைக்களத்தின் கட்டடத் தொகுதியை மறுசீரமைப்பதற்காக, 4 மாடிகள், 5 மாடிகள் கொண்ட இரண்டு கட்டடத்தொகுதிகள் அமைக்கப்படவுள்ளன.

அத்தோடு, ஸ்ரீ தலதா மாளிகைக்கு வருகை தரும் பக்தர்களுக்காக வாகனத் தரிப்பிடம் ஒன்றும் நிர்மாணிக்கப்படவுள்ளது.

இவற்றுக்காக 1,460 மில்லியன் ரூபாயை வழங்குவதற்காக, மாநகர மற்றும் மேல் மாகாண அபிவிருத்தி அமைச்சர் பாட்டலி சம்பிக்க ரணவக்க சமர்ப்பித்த அமைச்சரவைப் பத்திரத்துக்கு, அமைச்சரவை அங்கிகாரம் வழங்கியுள்ளது.