கினிகத்தேனையில் மண்மேடு சரிந்து விழுந்தது

ரஞ்சித் ராஜபக்ஸ

ஹட்டன்- கொழும்பு பிரதான வீதியின் கினிகத்தேனை பகுதியில், மண்மேடு சரிந்து விழுந்துள்ளதால், அந்த வீதியுடனான போக்குவரத்து, ஒரு வழி பாதையாக மட்டுப்படுத்தப்பட்டுள்ளதாக கினிகத்தேனை பொலிஸார் தெரிவித்தனர்.

நேற்று (23) மாலை தொடக்கம் அப்பகுதியில் தொடர்ச்சியாக மழை பெய்து வரும் நிலையில், கினிகத்தேனை நகரம் மற்றும் கினிகத்தேனை பிரதேச செயலகம் ஆகியவற்றுக்கு இடைப்பட்ட பகுதியில், இன்று அதிகாலை இந்த மண்மேடு சரிந்து விழுந்ததாக கினிகத்தேனை பொலிஸார் தெரிவித்தனர்.

சரிந்து விழுந்துள்ள மண்மேடு மற்றும் கற்களை அகற்றும் பணிகள் வீதி அபிவிருத்தி அதிகாரசபையின் பணியாளர்கள் முன்னெடுத்து வருவதாகவும் தெரிவிக்கப்பட்டுள்ளது.