கேகாலை, எம்பிலிபிட்டிய நகரங்களுக்கு நிதி

கேகாலை, எம்பிலிபிட்டிய ஆகிய நகர சபைகளை முழுமையாக அபிவிருத்தி செய்வதற்கு, ஆசிய அபிவிருத்தி வங்கியின் மூலம் 1,250 மில்லியன் ரூபாய் நிதி வழங்கப்பட்டுள்ளது என, சப்ரகமுவ மாகாண ஆளுநர் டிக்கிரி கொப்பேகடுவ தெரிவித்தார்.

கேகாலை, எம்பிலிபிட்டிய ஆகிய இரண்டு நகர சபைகளை முழுமையாக அபிவிருத்தி செய்வது தொடர்பான கலந்தரையாடல், சப்ரகமுவ மாகாண சபைக் கட்டடத் தொகுதியில் இன்று (30) நடைபெற்றது.

இதன்போது, கேகாலை, எம்பிலிபிட்டிய ஆகிய இரண்டு நகர சபைகளுக்குட்பட்ட வாராந்தச் சந்தை, பஸ் தரிப்பிடம், பொதுச்சந்தை ஆகிய கட்டடத்தொகுதிகள், பொது மலசலகூடம், கழிவு முகாமைப்படுத்தல், நடை பாதை, காண்கள் என்பன அபிவித்தி செய்யப்பட உள்ளதாக, சப்ரகமுவ மாகாண ஆளுநர் டிக்கிரி கொப்பேகடுவ தெரிவித்தார்.