கைக்குண்டு, துப்பாக்கி ரவைகள் மீட்பு

பாலித ஆரியவன்ச

பண்டாரவளை, அட்டம்பிட்டிய, ஊவா மஹவெலவிலுள்ள தேயிலைத் தோட்டமொன்றிலிருந்து கைக்குண்டு மற்றும் துப்பாக்கி ரவைகள் 5 என்பவற்றை பொலிஸார் மீட்ட சம்பவமொன்று திங்கட்கிழமை (4) இடம்பெற்றுள்ளது.

அவசர தொலைப்பேசி இலக்கமான 119க்கு கிடைக்கப்பெற்ற தகவலைத் தொடர்ந்து மேற்படி இடத்துக்கு விரைந்த பொலிஸார், கைக்குண்டு மற்றும் T-56 ரக துப்பாக்கி ரவைகள் என்பவற்றை மீட்டுள்ளதுடன் வெலிமடை நீதவான் நீதிமன்ற நீதவான் சிந்தக ஸ்ரீயநாத் குணசேகரவின் முன்னிலையில் அவற்றை பாரப்படுத்தினர்.  

நீதவானின் உத்தரவுக்கு அமைய மேற்படி வெடிபொருட்கள், குண்டு செயலிழக்கச் செய்யும் பிரிவினரால் திங்கட்கிழமை மாலை, செயலிழக்கச் செய்யப்பட்டமை குறிப்பிடத்தக்கது.