சிகிச்சை பெற்று வந்த சாரதி மரணம்

தியகல பகுதியில் இடம்பெற்ற வாகன விபத்தில் காயமடைந்து , சிகிச்சை பெற்று வந்த வேன் சாரதி சிகிச்சை பலனின்றி புதன்கிழமை (19) இரவு உயிரிழந்ததாக நாவலப்பிட்டி ஆதார வைத்தியசாலையின் உயர் அதிகாரி ஒருவர் தெரிவித்தார்.

32 வயதுடைய நிர்மலராஜன் பிரியதர்ஷன் என்பவரே இவ்வாறு உயிரிழந்துள்ளார் .

கடந்த 11 ம் திகதி கண்டியில் இருந்து ஹட்டன் நோக்கி பயணித்த தனியார் பேருந்தும் ஹட்டனில் இருந்து கினிகத்ஹேன சென்ற வேனும் நேருக்கு நேர் மோதியே இவ் விபத்து இடம்பெற்றது .

விபத்தில் காயமடைந்த வேன் சாரதி கினிகத்ஹேன மாவட்ட வைத்தியசாலையில் அனுமதிக்கப்பட்டு, பின்னர் மேலதிக சிகிச்சைக்காக நாவலப்பிட்டி ஆதார வைத்தியசாலைக்கு மாற்றப்பட்டு சிகிச்சை பெற்று வந்த நிலையில் இவ்வாறு உயிரிழந்துள்ளார் .

மேலும் இச் சம்பவம் தொடர்பிலான மேலதிக விசாரணைகள் மேற்கொள்ளப்பட்டுள்ளது.