பசறை பஸ் விபத்து; சாரதிக்கு விளக்கமறியல்

எம். செல்வராஜா

பசறை 13ஆம் மைல் கல்லருகே கடந்த மாதம் 20ஆம் திகதி இடம்பெற்ற கோர பஸ் விபத்துடன் தொடர்புடைய சாரதியை, எதிர்வரும் 21ஆம் திகதி வரை விளக்கமறியலில் வைக்குமாறு, பசறை நீதவான் சமிந்த கருணாதாச உத்தரவிட்டுள்ளார்.

மேற்படி பஸ் விபத்தில் 15 பேர் உயிரிழந்ததடன் சுமார் 32 பேர் வரை காயமடைந்தனர்.

இவ்விபத்தில் பஸ்ஸின் சாரதியும் காயமுற்ற நிலையில், பொலிஸ் காவலுடன் பதுளை வைத்தியசாலையில் சிகிச்சை பெற்றுவந்தார்.

இந்நிலையிலேயே பஸ் சாரதி  நீதவான் முன்னிலையில் ஆஜர்படுத்தப்பட்டுள்ளார்.