மண்சரிவால் வீடு சேதம்: நால்வர் வெளியேற்றம்

எஸ்.கணேசன்

ஹட்டன், சமனலகம பகுதியில், இன்றுக் காலை 6.45 மணியளவில் ஏற்பட்ட மண்சரிவால், வீடொன்று சேதமாகியுள்ளதாக, ஹட்டன் பொலிஸார் தெரிவித்தனர்.

மண்சரிவு காரணமாக, வீட்டின் சமயலறை மற்றும் அறையொன்று சேதமாகியுள்ளதாக தெரிவித்த பொலிஸார்,  வீட்டிலிருந்த நால்வருக்கும் எவ்வித ஆபத்துகளும் ஏற்படவில்லை என்றும் தெரிவித்தனர்.

இப்பகுதியில் மண்சரிவு அனர்த்தம் உள்ளதால், மேற்படி நால்வரும் வெளியேற்றப்பட்டுள்ளதுடன் இவர்களை தற்காலிக வீடொன்றில் தங்கவைக்கப்பட்டுள்ளதாகவும் தெரிவித்தனர்.