மாத்தளை மாவட்டத்தில் 54 வீடுகள் சேதம்

மஹேஷ் கீர்த்திரத்ன

மழையுடனான வானிலை காரணமாக, மாவட்டத்தில் 54 வீடுகள் சேதமடைந்துள்ளன என்று, மாத்தளை மாவட்ட அனர்த்த முகாமைத்துவ மத்திய நிலையம் தெரிவித்துள்ளது.

இதற்கமைவாக வில்கமுவ பிரதேச செயலாளர் பிரிவுக்கு உட்பட்ட 18 கிரமங்களில் 34 வீடுகளும் ரத்தொட்டை, உக்குவெல ஆகிய பிரதேச செயலாளர் பிரிவுகளில் 10 வீடுகளும் சேதமடைந்துள்ளன என்று, பிரதேச செயலாளர் அமரவீர தெரிவித்தார்.

உக்குவலைப் பிரதேசத்தில், மலைப்பாங்கான பகுதிகளில் வசித்துவரும் மக்களை, மிகுந்த அவதானத்துடன் இருக்குமாறு அவர் அறிவுறுத்தியுள்ளார்.