விபத்தில் ஒருவர் பலி

கொழும்பு-கண்டி வீதி, யக்கல பொலிஸ் நிலையத்துக்கு அருகில், இன்று (8) காலை இடம்பெற்ற விபத்தில், 35 வயது நபர் ஒருவர் உயிரிழந்துள்ளார் என்று, பொலிஸார் தெரிவித்தனர்.

மேற்படி பகுதியில், தவறான வழியில் பயணித்த கெப் ரக வாகனத்தை நிறுத்துவதற்காகச் சென்ற லொறியொன்று, பொலிஸ் நிலையத்தின் மதிற் சுவரை மோதியுள்ளதுடன், பொலிஸ் நிலையத்துக்கு அருகில் நிறுத்தி வைக்கப்பட்டிருந்த கார், இரண்டு மோட்டார் சைக்கிள்களை மோதியுள்ளது.

இதில் காரின் சாரதியான நிட்டம்புவ  எல்லகல பிரதேசத்தைச் சேர்ந்த 35 வயது நபர் பலியாகியுள்ளார் என்று, யக்கல பொலிஸார் தெரிவித்தனர்.

இவ்விபத்துத் தொடர்பில், பொலிஸார் மேலதிக விசாரணைகளை மேற்கொண்டு வருகின்றனர்.