விழிப்புணர்வு ஊர்வலமும் சிகிச்சை முகாமும்

மொஹொமட் ஆஸிக்

உலக நீரிழிவு நோய் தடுப்பு தினத்தையொட்டி, மத்திய மாகாண முதலமைச்சர் சரத் ஏக்கநாயக்க தலைமையில் மாபெரும் விழிப்புணர்வு ஊர்வலமும் சிறுநீரக சிகிச்சை முகாமும் இன்று ஞாயிற்றுக்கிழமை (15) நடைபெற்றன.

கண்டி வைத்தியசாலை முன்னால் ஆரம்பித்த இவ்ஊர்வலம், கண்டி ஸ்ரீ தலதா மாளிகை முன்றலை வந்தடைந்ததும் அங்கு சிகிச்சை முகாம் நடைபெற்றது.

இதில் மத்திய மாகாண முதலமைச்சர் சரத் ஏக்கநாயக்க மற்றும் மாகாண சபை அங்கத்தவர் லாபிர் ஹாஜியார் செய்னுள் ஆப்தீன், மாவட்டச் செயலாளர்  எச்.எம்.பி. இட்டி சேகர உட்பட பலர் கலந்துகொண்டனர்.

இது தொடர்பாக இடம்பெற்ற ஆரம்ப வைபவத்தின் போது முதலமைச்சர், கண்டி வைத்தியசாலையின் ஈ.என்.டி. (காது, மூக்கு, தொண்டை) பிரிவுக்கு தளபாடங்கள் சிலவற்றை கடமையிலுள்ள பிரதான தாதி சாந்தனி தெபகொல்ல மற்றும் வைத்தியசாலைப் பணிப்பாளர் சமன் ரத்நாயக்கா ஆகியோரிடம் கையளித்தார்.