தீ விபத்தினால் 22 குடும்பங்கள் இடம்பெயர்வு

(காந்தய சேனநாயக்க, எஸ்.தியாகு)

நுவரெலியா மாவட்டத்தின் கந்தப்பளையில்   வீடொன்றில் ஏற்பட்ட தீ பரவியதால் 22 குடும்பங்கள் இடம்பெயர்ந்துள்ளதுடன் ஒருவர் காயமடைந்துள்ளார்.

மின்சார ஒழுக்கின் காரணமாக இன்று அதிகாலை 1.50 மணியளவில் இச்சம்பவம் ஏற்பட்டுள்ளதாக தெரிவிக்கப்படுகிறது.

பொலிஸாரும் தீயணைப்புத் துறையினரும் இணைந்து தீயை அணைத்தனர். இடம்பயர்ந்த குடும்பங்கள் அயலிலுள்ள வீடுகளில் தங்கியுள்ளனர்.

இதேவேளை தீ விபத்தினால் பாதிக்கப்பட்ட மக்களை  வீடுகளையும் நுவரெலியா மாவட்ட நாடாளுமன்ற உறுப்பினர் வேலுசாமி இராதாகிருஷ்ணன் நேரில் சென்று பார்வையிட்டார்.