நோர்வூட் மாணவர்கள் 60பேருக்கு வைரஸ் காய்ச்சல்;வைத்தியசாலையில் அனுமதிப்பு

(எஸ்.சுவர்ணஸ்ரீ)

ஹட்டன் கல்வி வலயத்திற்கு உட்பட்ட நோர்வூட் ஸ்டொக்கொம் பாடசாலையைச் சேர்ந்த மாணவர்களுக்கு ஒரு வகையான வைரஸ் காய்ச்சல் தொற்றிக்கொண்டுள்ளதால் 60 க்கும் மேற்பட்ட மாணவர்கள் டிக்கோயா கிளங்கன் மாவட்ட வைத்தியசாலையில் அனுமதிக்கப்பட்டுள்ளனர்.

நேற்று புதன்கிழமை இப்பாடசாலைக்கு வருகை தந்த மாணவர்கள் சிலர் மயங்கிய நிலையில் இருந்தமையால் உடனடியாக இந்த மாணவர்கள் டிக்கோயா கிளங்கன் மாவட்ட வைத்தியசாலையில் அனுமதிக்கப்பட்டனர்.

இந்த நிலையில் இன்று வியாழக்கிழமையும்  மாணவர்கள் பாதிக்கப்பட்ட நிலையில் வைத்தியசாலையில் அனுமதிக்கப்பட்டுள்ளதாக வைத்தியசாலை அதிகார்யொருவர் தெரிவித்தார்.

கவிரவில, மாநெலி ,மாக்கொல ஆகிய தோட்டங்களை சேர்ந்த மாணவர்களே இவ்வாறு ஒரு வகையான வைரஸ் காய்ச்சல் காரணமாக பாதிக்ப்பட்டுள்ளனர் என்பது குறிப்பிடத்தக்கது. இவர்கள் தொடர்ந்து  வைத்தியசாலையில் சிகிச்சை பெற்றுவருகின்றனர்.