ஹட்டனில் 7 மாணவிகளிடம் பாலியல் சேஸ்டை புரிந்த தொண்டராசிரியர் கைது

(எஸ்.சுவர்ணஸ்ரீ)

தரம் ஐந்தில் கல்விக்கற்கின்ற மாணவிகள் ஏழு பேரிடம் பாலியல் சேஸ்டை புரிந்தார் என்ற சந்தேகத்தின் பேரில் தொண்டராசிரியர் ஒருவரை நோட்டன் பொலிஸார் கைது செய்துள்ளனர்.

டிக்கோயாவுக்கும் நோட்டனுக்கும் இடைப்பட்ட பிரதேசத்திலுள்ள தமிழ் பாடசாலை ஒன்றில் தொண்டராசிரியராக சேவைபுரிந்த 25 வயதுடைய இளம் தொண்டராசிரியரொருவரே நேற்று மாலை கைது செய்யப்பட்டுள்ளார்.

மேற்படி ஆசிரியர் குறித்து பெற்றோர் ஒருவர் நோட்டன் பொலிஸில் செய்யப்பட்ட முறைப்பாட்டைத் தொடர்ந்தே இந்தத் தொண்டராசிரியர் சந்தேகத்தின் பேரில் கைது செய்யப்பட்டுள்ளார்.

இதனைத் தொடர்ந்து நோட்டன் பொலிஸார் மேற்கொண்ட விசாரணைகளை அடுத்து இந்தத் தொண்டராசிரியரால் பாலியல் சில்மிஸத்துக்கு உள்ளாக்கப்பட்டிருக்கலாமென சந்தேகிக்கப்படுகின்ற ஒன்பது தொடக்கம் பத்து வயது வரை வயதையுடைய ஏழு சிறுமிகள் மருத்துவ பரிசோதனைக்காக நாவலப்பிட்டிய வைத்தியசாலையில் அனுமதிக்கப்பட்டுள்ளனர்.

இந்த மருத்துவ பரிசோதனைக்குப்பிறகே குறிப்பிட்ட தொண்டராசிரியருக்கெதிராக ஹட்டன் நீதிமன்றத்தின் மூலமாக சட்ட நடவடிக்கை எடுக்கப்படுமென நோட்டன் பொலிஸ் நிலையப்பொறுப்பதிகாரி தெரிவித்தார்.