வீதி விபத்தில் கல்லூரி அதிபர் பலி

(மொஹொமட் ஆஸிக்)

கண்டி வத்துகாமம் பண்விலை வீதியில் நேற்று இரவு இடம் பெற்ற ஒரு வாகன விபத்தில் வத்துகாமம் மத்திய கல்லூரியின் அதிபர் கபில பண்டார உயிரிழந்துள்ளார்.

இவர் மோட்டார் சைக்கிளில் சென்று கொண்டிருந்த போது வத்துகாமம் பன்விலை வீதியில் வளைவு ஒன்றில் வைத்து மோட்டார் சைக்கிள் பாதையை விட்டு விலகியதால் அவர் கடுமையான காயங்களுக்குள்ளாகி மரணமாகியுள்ளார்.

53 வயதான கபில பண்டார  இலங்கை அதிபர்கள் சேவையைச் சேர்ந்த முதலாம் தர உத்தியோகத்தராவார்.

இவ்விபத்து சம்பந்தமாக வத்துகாமம் பொலிஸார் மேலதிக விசாரணைகளை நடத்துகின்றனர்.