வாகன விபத்தில் ஒருவர் பலி; ஐவர் காயம்

(மொஹொமட் ஆஸிக்)

தம்புள்ளை நகரில் இடம்பெற்ற வாகன விபத்தில் ஒருவர் பலியானதுடன், ஐவர் காயமடைந்துள்ளனர்.

தம்புள்ளை நகரில் நேற்று வியாழக்கிழமை காலை வானொன்று தடம்புரண்டதனால் இவ்விபத்து ஏற்பட்டுள்ளது.

கல்னேவ பிரதேசத்தைச் சேர்ந்த 45 வயதான ஆர்.விமலசேன என்பவரே இவ்விபத்தில் பலியானவர் ஆவார்.

சந்தேகத்தின் பேரில் கைதுசெய்யப்பட்ட குறித்த வானின் சாரதியை தம்புள்ளை நீதிமன்றத்தில் ஆஜர்செய்யவுள்ளதாக பொலிஸார் தெரிவித்தனர்.