நுவரெலியா ஆதார வைத்தியசாலைக்கு சுகாதார அமைச்சர் விஜயம்

(எஸ்.தியாகு)

நுவரெலியா ஆதார வைத்தியசாலைக்கு இன்று வெள்ளிக்கிழமை விஜயமொன்றை மேற்கொண்ட சுகாதார அமைச்சர் மைத்திரிபால சிறிசேன, வைத்தியசாலையின் குறைபாடுகள் தொடர்பில் வைத்திய அதிகாரிகளுடன் கலந்துரையாடினார்.  

அமைச்சர் மைத்திரிபால சிறிசேனவுடன் அமைச்சர் நவீன் திஸாநாயக்க நுவரெலிய மாவட்ட நாடாளுமன்ற உறுப்பினர் இராஜதுரை, மத்திய மாகாண சுகாதார அமைச்சர் சுனில் கீத்சிறி அமரதுங்க உட்பட அமைச்சின் உயர் அதிகாரிகளும் நுவரெலியா ஆதார வைத்தியசாலைக்கு விஜயம் மேற்கொண்டனர்.

இதன்போது கருத்துத் தெரிவித்த அமைச்சர், 2011ஆம் ஆண்டில் நுவரெலியாவிலும் அம்பாந்தோட்டையிலும் புதிய வைத்தியசாலைகள் அமைப்பதற்கு அமைச்சரவையின் அங்கீகாரம் கிடைத்துள்ளதாகவும் கூறினார்.  இதன்படி நெதர்லாந்தின் அனுசரனையுடன் இத்திட்டம் நடைமுறைபடுத்தப்படவுள்ளதுடன், நுவரெலியா ஆதார வைத்தியசாலைக்கு எக்ஸ்ரே கருவியை அடுத்த வாரம் அனுப்பிவைப்பதாகவும் அமைச்சர் தெரிவித்தார்.