விளையாட்டுத்துறையை மாணவர்கள் மத்தியில் ஊக்குவிக்க வேண்டும்

(எஸ்.சுவர்ணஸ்ரீ)

விளையாட்டுத்துறையில் உரிய பயிற்சிகளைப்பெற்று வெளியேறுகின்ற ஆசிரியர்கள் அவற்றை பாடசாலை மாணவர்கள் மத்தியில் கொண்டு செல்வதற்காக முழுமையாக செயற்பட வேண்டும் என்று அட்டன் வலயக்கல்விப்பணிப்பாளர் எம்.ரெங்கராஜ் தெரிவித்தார்.

கொட்டகலை ஆசிரியர் கலாசாலையில்  கேட்போர் கூடத்தில் நேற்று முன்தினம்  இடம் பெற்ற வருடாந்த விளையாட்டுப்போட்டிகளுக்கான பரிசளிப்பு நிகழ்வில் பிரதம அதிதியாக கலந்து கொண்டு பேசும்  போதே அவர் இவ்வாறு தெரிவித்தார்.

இந் நிகழ்வில் கலாசாலையின் விரியுரையாளர்கள் உட்பட பயிலுநர் ஆசிரியர்கள் கலந்து கொண்டனர்.

இதன்போது வருடாந்த விளையாட்டுப்போட்டியில் கலந்து கொண்டு வெற்றி பெற்ற மாணவர்களுக்கான பதக்கங்களும், சான்றிதழ்களும் வழங்கப்பட்டன.