கற்பாறை விழுந்ததால் வயோதிபப் பெண் ஸ்தலத்திலேயே பலி

(மொஹொமட் ஆஸிக்)

கண்டி கட்டுகஸ்தோட்டை இனிகலை என்னுமிடத்தில் வீடு ஒன்றின் மீது மண் கலந்த கற்பாறை விழுந்ததனால் 72 வயதுப் பெண் ஒருவர் அவ்விடத்திலேயே உயிரிந்துள்ளார்.

இன்று அதிகாலை 1.30 மணியளவில் வீட்டில் தூங்கிக்கொண்டிருந்தபோது வீட்டின்மீது இம்மண் உள்ளிட்ட கற்பாறை விழுந்துள்ளது. இதன்போது உயிரிழந்தவர் அப்துல் மஜீட் தாயிம் நோனா என்ற பெண் ஆவார்.

இவருடன் வீட்டில் இருந்த இவரது உறவினர்கள் மயிரிழைவில் உயிர் தப்பியுள்ளனர்.

இப்பிரதேசத்தில் மேலும் நான்கு வீடுகள் அபாய நிலையில் உள்ளதாகவும் அவ்வீடுகளில் வசிப்பவர்களை ஒதுக்குவதற்கு நடவடிக்கை எடுத்துள்ளதாகவும் பிரதேச கிராம அதிகாரி ஆர்.எம்.கெமுனு தெரிவித்தார்.

கட்டுகஸ்தோட்டை பொலிஸார் மேலதிக விசாரணைகளை நடத்துகின்றனர்.