கிறிஸ்மஸ், புதுவருட கொண்டாட்டங்களை முன்னிட்டு மலையகத்தில் விசேட பாதுகாப்பு

(சி.எம்.ரிஃபாத்)

கிறிஸ்மஸ் மற்றும் புதுவருட கொண்டாட்டங்களை முன்னிட்டு மலையகத்தின் பல இடங்களில் பொலிஸ் விசேட பாதுகாப்பு ஏற்பாடுகள் செய்யப்பட்டுள்ளதாக மத்திய மாகாண பிரதி பொலிஸ் மா அதிபர் அலுவலகம் தெரிவித்துள்ளது.

இந்நிலையில், கண்டி, மாத்தளை, நுவரெலியா உள்ளிட்ட சில பிரதேசங்களிலேயே இந்த விசேட பாதுகாப்பு ஏற்பாடுகள் செய்யப்பட்டுள்ளதுடன் ரோந்து நடவடிக்கைகளும் மேற்கொள்ளப்படவுள்ளதாக மேற்படி அலுவலகம் கூறியது.

பொதுமக்களின் பாதுகாப்பு மற்றும் நலன் கருதி மேற்கொள்ளப்படவுள்ள இந்த விசேட பாதுகாப்பு ஏற்பாடுகள் எதிர்வரும் ஜனவரி மாதம் 7ஆம் திகதி வரையில் அமுலில் இருக்கும் என்றும் அவ்வலுவலகம் குறிப்பிட்டது.