மஹாவலி கங்கையிலிருந்து வயோதிப மாதுவின் சடலம் மீட்பு

(மொஹொமட் ஆஸிக்)

இரண்டு தினங்களுக்கு முன்னர்  காணாமல்ப்போன வயோதிப மாதுவின் சடலம் மஹாவலி கங்கையிலிருந்து கட்டுகஸ்தோட்டை பொலிஸாரால் மீட்கப்பட்டுள்ளது.

கண்டி தெய்யன்னேவெல பிரதேசத்திலிருத்து வெற்றிலை வாங்குவதற்காக அயலிலுள்ள கடைக்கு சென்றுள்ள 78 வயதான இம்மாது, சிறிய ஓடையொன்றில் விழுந்த நிலையில் மஹாவலி ஆற்றுக்கு அடித்துச் செல்லப்பட்டதாக பொலிஸார் தெரிவித்தனர்.

இம்மரணம் தொடர்பில் நேற்று செவ்வாய்க்கிழமை கண்டி திடீர் மரண விசாரனை அதிகாரி சுபுன் மாபலகம மரண விசாரணை நடத்தியதுடன், கண்டி வைத்திய அதிகாரி எச்.சீ.விஜேசிங்க பிரேத பரிசோதனையை நடத்தினார். நீரிழ் மூழ்கியதால் இம்மரணம் சம்பவித்ததாக தீர்ப்பளிக்கப்பட்டது.