உலக மரபுரிமை பிரதேசங்களாக நக்கில்ஸ் மலைத்தொடர், ஹோட்டன் தென்ன, சிவனொளிபாதமலை

(மொஹொமட் ஆஸிக்)

மத்திய மலை நாட்டிலுள்ள இயற்கை எழிழ் மிகுந்த பிரதேசங்களான நக்கில்ஸ் மலைத்தொடர், ஹோட்டன் தென்ன, சிவனொளிபாதமலை ஆகிய மூன்று பிரதேசங்களையும் உத்தியோகபூர்வமாக உலக மரபுரிமை பிரதேசங்களாக ஏற்றுக்கொண்டுள்ளதாக யுனெஸ்கோ நிறுவனம் அறிவித்துள்ளது.

அண்மையில் பிரேஸில் நகரில் நடைபெற்ற 34ஆவது உலக மரபுரிமை அமைப்பின் மாநாட்டில், இம்மூன்று பிரதேசங்களும் உலக மரபுரிமை பிரதேசங்களாக ஏற்றுக்கொள்ள வேண்டுமென்று சுற்றாடல்த்துறை அமைச்சு கேட்டுக்கொண்டதற்கமைய அது கொள்கையளவில் ஏற்றுக்கொள்ளப்பட்டது.

இதற்கான  உத்தியோகபூர்வ கடிதத்தை யுனெஸ்கோ நிறுவனம் தற்போது இலங்கைக்கு வழங்கியுள்ளது. இத்துடன் இலங்கையின் மரபுரிமை பிரதேசங்கள் எட்டாக அதிகரித்துள்ளது.