நீர்கொழும்பு பிரதி மேயராக தயான் லான்ஸா பதவியேற்பு

-எம்.இஸட். ஷாஜஹான் 

மேல் மாகாண சபை அமைச்சர் நிமல் லான்ஸா தலைமையில் நீர்கொழும்பு பிரதி மேயராக தயான் லான்ஸா, நீர்கொழும்பு மாநகர சபை மண்டபத்தில் இன்று செவ்வாய்க்கிழமை (24) சத்தியப்பிரமாணம் செய்துகொண்டுள்ளார். 

நீர்கொழும்பு பிரதி மேயராக இருந்த எம்.எஸ்.எம். சகாவுல்லா, மேல் மாகாண சபை உறுப்பினராக தெரிவானதையடுத்து, மாநகர சபை உறுப்பினர் தயான் லான்ஸா இவ்இடத்துக்கு நியமிக்கப்பட்டுள்ளார்.

இந்நிகழ்வில் முன்னாள் பிரதி அமைச்சர் சரத்குமார குணரத்ன, மேல் மாகாண சபை உறுப்பினர் எம்.எஸ்.எம். சகாவுல்லா, நீர்கொழும்பு மேயர் அன்ரனி ஜயவீர, மாநகர சபையின் ஆளும் தரப்பு உறுப்பினர்கள், சர்வ மதத் தலைவர்கள், கலைஞர்கள் மற்றும் கட்சி ஆதரவாளர்கள் உட்பட பலர் கலந்துகொண்டனர்.