எல்லை தாண்டிய மீனவர்கள் கைது

-செல்வநாயகம் கபிலன்

இலங்கைக் கடற்பரப்புக்குள் அத்துமீறி நுழைந்து மீன்பிடியில் ஈடுபட்ட இந்திய மீனவர்கள் 24 பேரை, நேற்று (04) இரவு கைது செய்த கடற்படைவீரர்கள், அவர்களிடமிருந்து  நான்கு விசைப்படகுகளை கைப்பற்றியுள்ளனர்.

கைதுசெய்யப்பட்ட மீனவர்கள், நெடுந்தீவுக்கு வடக்கே,  தலைமன்னாருக்கு வட-கிழக்குக் கடற்பரப்பில் மீன்பிடித்துக் கொண்டிருந்தபோதே கைதுசெய்யப்பட்டனர்.

கைதான மீனவர்கள் யாழ்ப்பாணம், மன்னார் மாவட்ட கடற்றொழில் நீரியல்வளத்துறை அதிகாரிகளிடம் ஒப்படைக்கப்பட்டுள்ளனர்.