ஒட்டுசுட்டானில் புதிய பஸ் தரிப்பிடங்கள்

-சண்முகம் தவசீலன்

வடமாகாணப் போக்குவரத்து அமைச்சின் நிதியொதுக்கீட்டில் முல்லைத்தீவு, ஒட்டுசுட்டான் பிரதேச செயலகப் பிரிவில் மாங்குளம் மற்றும் பனிக்கன்குளம் பகுதிகளில் இரண்டு பஸ் தரிப்பிடங்கள் அமைக்கப்பட்டு வருகின்றன

வடமாகாணசபை உறுப்பினர் து.ரவிகரனிடம் மாங்குளம், பனிக்கன்குளம் மாதர் கிராம அபிவிருத்திச் சங்கத்தினர் விடுத்த வேண்டுகோளுக்கிணங்க இந்த பஸ் தரிப்பிடங்கள் அமைக்கப்பட்டு வருகின்றன.

மாங்குளம், துணுக்காய் வீதியில் அமைக்கப்பட்டுவரும் பஸ் தரிப்பிடத்தின் பணிகள் நிறைவடையும் நிலையிலுள்ளதுடன், பனிக்கன்குளத்தின் பஸ் தரிப்பிடப் பணி இடம்பெற்றுக்கொண்டிருக்கின்றது.