கஞ்சா மீட்பு; இருவர் கைது

என்.ராஜ்

யாழ்ப்பாணத்தில் வியாபார நோக்கத்துடன் சுமார் 4 இலட்சம் ரூபாய் பெறுமதியான கஞ்சா போதைப்பொருளை கடத்திச் சென்ற இருவர், யாழ்ப்பாணம் மாவட்ட குற்றத்தடுப்புப் பொலிஸாரால், யாழ்ப்பாணம் - செம்மணி வீதியில் நேற்று (30) மாலை கைது செய்யப்பட்டுள்ளனர்.

கரவெட்டியைச் சேர்ந்த 29, 30 வயதுடையவர்களே இவ்வாறு கைது செய்யப்பட்டனர் எனவும்  கைது செய்யப்பட்டவர்களிடமிருந்து 3 கிலோ 300 கிராம் கஞ்சா போதைப்பொருள், மோட்டார் சைக்கிள், அலைபேசிகள் என்பன கைப்பற்றப்பட்டுள்ளதாகவும் பொலிஸார் தெரிவித்தனர்.

யாழ்ப்பாணம் பிராந்திய மூத்த பொலிஸ் அத்தியட்சகரின் வழிகாட்டலில், பிரதான பொலிஸ் பரிசோதகர் நிகால் பிரான்ஸிஸ் தலைமையிலான குழுவினரே, இந்தக் கஞ்சா கடத்தலை முறியடித்தனர்.