குடும்பத் தகராறு: இளைஞன் மீது வெட்டு

-எஸ்.தில்லைநாதன்

கரவெட்டி மேற்கு பகுதியில், கூரிய ஆயுதத்தால் வெட்டப்பட்ட நிலையில், இளைஞன் ஒருவர் பருத்தித்துறை ஆதார வைத்தியசாலையில் அனுமதிக்கப்பட்டுள்ளார்.

நேற்று செவ்வாய்க்கிழமை (30) நண்பகல் இடம்பெற்ற இச்சம்பவத்தில், அதே பகுதியைச் சேர்ந்த தனபாலசிங்கம் லக்சன் (வயது-28)  என்பவரே, இவ்வாறு படுகாயங்களுக்கு உள்ளானார்.

உறவினர்களிடையே ஏற்பட்ட கைகலப்பின் போது, இவர் கூரிய ஆயுதத்தால் வெட்டப்பட்டதாக தெரிவிக்கப்படுகிறது.

இது தொடர்பில் நெல்லியடி பொலிஸார் விசாரணைகளை மேற்கொண்டு வருகின்றனர்.