ரயிலில் மோதி வயோதிபர் பலி

-டி.விஜித்தா

யாழ்ப்பாணம் - புங்கன்குளம் ரயில் நிலையத்தில், இன்று (13) நண்பகல் 1 மணியளவில், வயோதிபர் ஒருவர், ரயிலில் மோதுண்டு உயிரிழந்துள்ளார். 

 கொழும்பில் இருந்து யாழ்ப்பாணம் நோக்கிப் பயணித்த கடுகதி ரயிலுடனேயே, குறித்த வயோதிபர் மோதுண்டுள்ளார். 

 விபத்துக்குள்ளான வயோதிபர் இதுவரை அடையாளம் காணப்படவில்லையென, பொலிஸார் தெரிவித்தனர். 

 சடலம், பிரேத பரிசோதனைக்காக யாழ்ப்பாணம் போதனா வைத்தியசாலையில் ஒப்படைக்கப்பட்டுள்ளது.