வடக்கில் மேலும் 10 பேருக்கு தொற்று

-எஸ். தில்லைநாதன் 

வடக்கு மாகாணத்தில், நேற்று  (07),  10 பேருக்கு கொரோனா தொற்று உறுதிப்படுத்தப்பட்டது.

யாழ். போதனா வைத்தியசாலையின் ஆய்வுகூடத்தில், 155 பேரின் மாதிரிகள் பரிசோதனைக்கு உட்படுத்தப்பட்டன. இதிலேயே 10 பேருக்கு தொற்று உறுதிப்படுத்தப்பட்டது.

இதன்படி, யாழ். போதனா வைத்தியசாலையில் 3 பேருக்கும், பருத்தித்துறை ஆதார வைத்தியசாலையில் ஒருவருக்கும், கோப்பாய் பிரதேச வைத்தியசாலையில் ஒருவருக்கும் என, யாழ். மாவட்டத்தில், ஐவருக்கு தொற்று உறுதிப்படுத்தப்பட்டது.

அத்துடன், கிளிநொச்சி மாவட்ட பொது வைத்தியசாலையில் 3 பேருக்கும், முல்லைத்தீவு விமானப்படை முகாமில் ஒருவருக்கும், வவுனியா  மாவட்ட பொது வைத்தியசாலையில் ஒருவருக்கும் தொற்று உறுதிப்படுத்தப்பட்டது.