ஹெரோயின் போதைப்பொருளை உடமையில் வைத்திருந்த ஒருவர் கைது

யாழ்.நாவற்குழி பகுதியில் ஹெரோயின் போதைப்பொருளை உடமையில் வைத்திருந்த குற்றச்சாட்டில் இளைஞர் ஒருவரை சாவகச்சேரி பொலிஸார் கைது செய்துள்ளனர்.

யாழில் இருந்து போதைப்பொருளை பெற்றுக்கொண்டு பஸ்ஸில் வந்து நாவற்குழி பகுதியில் இறங்கியவேளை சாவகச்சேரி பொலிஸாருக்கு கிடைத்த இரகசிய தகவலின் அடிப்படையில் குறித்த இளைஞன் கைது செய்யப்பட்டார்.

கைது செய்யப்பட்ட இளைஞன், நாவற்குழி பகுதியை சேர்ந்த 25 வயதுடைய இளைஞன் எனவும், அவரிடம் இருந்து 250 மில்லிகிராம் ஹெரோயின் போதைப்பொருளை மீட்டதாகவும் பொலிஸார் தெரிவித்தனர்.