திருடிய மாடுகளுடன் இருவர் கைது

-செல்வநாயகம் கபிலன்

4 மாடுகளைக் கொண்டு சென்ற இரண்டு சந்தேகநபர்களை புதன்கிழமை (25) இரவு புத்தூர் சந்தியில் கைது செய்ததாக அச்சுவேலி பொலிஸார் தெரிவித்தனர்.

பூநாறி மரத்தடிப் பகுதியை சேர்ந்த சந்தேகநபர்கள் இருவரும், மட்டுவில் பகுதியிலுள்ள வீட்டிலிருந்த இரண்டு பசுமாடுகள் மற்றும் இரண்டு கன்று ஆகியவற்றை திருடி கொக்குவில் பகுதிக்கு சென்று கொண்டிருக்கும் போதே கைது செய்யப்பட்டனர்.

சந்தேகநபர்களை நீதிமன்றத்தில் ஆஜர்ப்படுத்துவதற்கான நடவடிக்கைகளை மேற்கொண்டு வருவதாக பொலிஸார் கூறினர்.