கொட்டகைக்குள் வாழும் மக்கள்

-எம்.றொசாந்த்

வலிகாமம் கிழக்கு வளலாய் பகுதியில் மீளக்குடியேறும் மக்களுக்கு யு.என்.எச்.சி.ஆர் நிறுவனத்தின் உதவியில் வீடுகள் அமைக்கும் பணிகள் இடம்பெற்று வருகையில், அப்பகுதி மக்கள் தங்களுக்கான தற்காலிக கொட்டகைகளை அமைத்து அதில் வசித்து வருகின்றனர்.

கடந்த 25 வருடங்களாக உயர்பாதுகாப்பு வலயமாகவிருந்து அண்மையில் விடுவிக்கப்பட்ட வளலாய் பகுதியில் மீளக்குடியமர்வதற்கு 113 குடும்பங்கள் பதிவுகளை மேற்கொண்டுள்ளனர். 

அவர்களில் 24 குடும்பங்களுக்கு தற்காலிக வீடுகள் அமைப்பதற்கான பொருட்கள் வழங்கப்பட்டுள்ளன.

மேலும், 25 குடும்பங்களுக்கு தற்காலிக வீடுகள் அமைத்துக் கொடுப்பதற்கு யு.என்.எச்.சி.ஆர் நிறுவனம் முன்வந்துள்ளது. தற்காலிக வீடுகள் அமைக்கும் வரையில் காத்திருக்காமல் தங்களுக்கு தேவையான அளவுகளில் கொட்டகைகளை அமைத்து அதில் வசிக்கின்றனர்.