உடப்புக்கு இராதாகிருஷ்ணன் விஜயம்

-க.மகாதேவன்

புத்தளம் மாவட்ட நாடாளுமன்ற உறுப்பினர் ஜனாப் எம்.எச்.எம்.நவாவியின் வேண்டுகோளுக்கிணங்க, கல்வி இராஜாங்க அமைச்சர் வீ.இராதாகிருஷ்ணன்,  எதிர்வரும் 16ஆம் திகதி செவ்வாய்க்கிழமை உடப்பு தமிழ்க் கிராமத்துக்கு விஜயம் ஒன்றை மேற்கொள்ளவுள்ளார்.

இதன்போது,  உடப்பு இந்து ஆலய பரிபாலன சபையினரால் ஸ்ரீ பார்த்தசாரதிப் பெருமாள் ஆலயத்தில் ஏற்பாடு செய்யப்பட்ட விஷேட பூஜை ஒன்றில் கல்வி இராஜாங்க அமைச்சர் கலந்துகொள்வார்.

அத்துடன், ஆண்டிமுனை தமிழ் மகா வித்தியாலயத்தில் ஏற்பாடு செய்யப்பட்ட நிகழ்வுகளில் கலந்துகொள்வார்.

மேலும், உடப்பு கிராமத்தில் காணப்படும் கல்வி சம்பந்தான குறைபாடுகள், பட்டதாரிகளின் பிரச்சினைகளை ஆராய்வதுடன், ஊரின் அபிவிருத்தி தொடர்பிலும் ஆராயவுள்ளார்.