மதுபானம் தயாரிப்பில் ஈடுபட்ட மூவர் கைது

-ரஸீன் ரஸ்மின்

ஆனமடுவ பொலிஸ் பிரிவுக்கு உட்பட்ட சங்கட்டிக்குளம் கிராமத்தில் மதுபானம் தயாரிப்பில் ஈடுபட்ட குற்றச்சாட்டின் பேரில் 26, 38, 56 வயதுகளையுடைய 3 பேரை, சனிக்கிழமை (28) பொலிஸார் கைதுசெய்துள்ளனர்.

அத்துடன், மதுபானம் தயாரிப்புக்காக பயன்படுத்தப்படும் உபகரணங்கள் மற்றும்  லொறி ஒன்றையும் சந்தேகநபர்களிடமிருந்து கைப்பற்றியதாகப் பொலிஸார் தெரிவித்தனர்.

இது தொடர்பில் பொலிஸாருக்குக் கிடைத்த தகவலை அடுத்து, மேற்படி பகுதியில் சுற்றிவளைப்பு மேற்கொள்ளப்பட்டு, இச்சந்தேகநபர்களைக் கைதுசெய்ததாகவும் பொலிஸார் கூறினர்.