விபத்தில் மூவர் படுகாயம்

கொழும்பு - புத்தளம் பிரதான வீதியில் இன்று இடம்பெற்ற வாகன விபத்தில், மூவர் படுகாயமடைந்து புத்தளம் தள வைத்தியசாலையில் அனுமதிக்கப்பட்டுள்ளனர்.

மதுரங்குளியில் இருந்து புத்தளம் நோக்கிப் பயணித்த கெப் வாகனம், எதிர் திசையில் இருந்து வந்த மோட்டார் சைக்கிள் ஒன்றுடன் மோதி, வீதியோரத்தில் நிறுத்தி வைக்கப்படிருந்த டிப்பர் வாகனத்துடனும்  மோதியதில் இவ்விபத்துச் சம்பவம் இடம்பெற்றுள்ளதாக புத்தளம் பொலிஸார் தெரிவித்தனர்.

இவ்விபத்தில் மோட்டார் சைக்கிளில் பயணித்த இருவரும், பகல் உணவுக்காக ஹோட்டல் ஒன்றுக்கு முன்னால் நிறுத்தி வைக்கப்பட்டிருந்த டிப்பர் வாகனம் ஒன்றின் சாரதியும் காயமடைந்த நிலையில் புத்தளம் தள  வைத்தியசாலையில் அனுமதிக்கப்பட்டுள்ளனர்.

இவ்விபத்துச் சம்பவம் தொடர்பில் புத்தளம் பொலிஸ் நிலையப் போக்குவரத்துப் பிரிவினர் விசாரணைகளை மேற்கொண்டு வருகின்றனர்.