முல்லைத்தீவில் தேர்தல் பணிக்கான ஏற்பாடுகள் ஆரம்பம்

-செ.கீதாஞ்சன்

முல்லைத்தீவு மாவட்டத்தில், தேர்தல் பணிக்கான முன் ஏற்பாட்டு நடவடிக்கைகள், இன்று (12) முதல் தொடங்கப்பட்டுள்ளதாக, முல்லைத்தீவு மாவட்ட உதவி தேர்தல் ஆணையாளர் கே.காந்தீபன் தெரிவித்தார்.

இது குறித்துத் தொடர்ந்துரைத்த அவர், முல்லைத்தீவு மாவட்டத்தில் 78 ஆயிரத்தி 360 வாக்காளர்கள் காணப்படுகின்றார்கள். வாக்களிப்பு நிலையங்களாக 136 வாக்களிப்பு நிலையங்கள் காணப்படுகின்றனவெனத் தெரிவித்தார்.

வாக்கெண்ணும் நிலையமாக, முல்லைத்தீவு மகா வித்தியாலயம் காணப்படுவதாகவும் தேர்தல் விதிமுறைகள் தொடர்பில் ஆரம்பக் குழுக்களின் பணிகள் (12) இன்றில் இருந்து தொடங்கியுள்ளதாகவும், அவர் கூறினார்.