அதிகாரிகள் வராமையால் சோபையிழந்தது கூட்டம்

-நடராசா கிருஸ்ணகுமார்

கிளிநொச்சி பூநகரி ஒருங்கிணைப்புக் குழுக்கூட்டத்தில் முக்கிய அதிகாரிகள் கலந்து கொள்ளாததன் காரணமாக கூட்டத்தினை நடாத்துவதில் நெருக்கடி நிலைமை ஏற்பட்டது.

வரவேண்டிய அதிகாரிகளுக்குப் பதிலாக வருகை தந்திருந்தவர்களும் கூட்டத்தில் பதிலளிக்க முடியாதிருந்ததன் காரணமாக இணைத்தலைமைகள், சங்கடமான நிலைமையை எதிர்கொண்டனர்.

'இனிவரும் பிரதேச ஒருங்கிணைப்புக் குழுக்கூட்டங்களில் கலந்துகொள்ளாத அதிகாரிகள் மீது நடவடிக்கை எடுக்கப்படும், தவிர்க்க முடியாமல் அதிகாரிகள் கூட்டத்தில் கலந்து கொள்ள முடியாவிட்டால் கூட்டத்தில் கலந்து கொள்ளும் அதிகாரிகள் பதிலளிக்கக் கூடியவர்களாக இருக்க வேண்டும், இது தொடர்பாக பிரதேச செயலாளர் அதிகாரிகளுக்கு அறிவுறுத்தல்களை விடுக்க வேண்டும்' என இந்தக் கூட்டத்தில் தெரிவிக்கப்பட்டது.