கஞ்சாவுடன் இருவர் கைது

-செ.கீதாஞ்சன்

முள்ளியவளைப் பகுதியில், சிறு தொகுதி கஞ்சாகளை உடமையில் வைத்திருந்தக் குற்றச்சாட்டில், இரண்டு இளைஞர்கள், நேற்று (27) கைதுசெய்யப்பட்டுள்ளனர்.

முள்ளியவயை - கிச்சிராபுரம் பகுதியைச் சேர்ந்த இளைஞர் ஒருவரை முள்ளியவளை வீதி போக்குவரத்து பொலிஸார் சோதனை செய்தபோது, அவரது உடமையில் சிறு தொகை கஞ்சா வைத்திருந்தமை தெரியவந்துள்ளதை தொடர்ந்து அவரை கைதுசெய்துள்ளார்கள்.

இதேவேளை, முள்ளியவளை - தண்ணீரூற்று பகுதியில் வீதிசோதனை நிலையத்தில், பொலன்னறுவையைச் சேர்ந்த இளைஞன் ஒருவர், கஞ்சாவுடன் கைதுசெய்யப்பட்டார்.

கைதான இருவரையும், முல்லைத்தீவு மாவட்ட நீதவான் நீதிமன்றில், இன்று முன்னிலைப்படுத்த நடவடிக்கை எடுக்கப்பட்டுள்ளதாக தெரிவிக்கப்பட்டுள்ளது.