முழங்காவில் பகுதியில் வாள்வெட்டு: இரு இளைஞர்கள் வைத்தியசாலையில்

-எஸ்.என்.நிபோஜன்

முழங்காவில் நாச்சிக்குடாப் பகுதி கடையொன்றில் இன்று மாலை  இரண்டு குழுக்களுக்கிடையில் ஏற்பட்ட மோதல் காரணமாக   இளைஞர்கள் இருவர்  வாள்வெட்டுக்கு இலக்காகி  முழங்காவில் வைத்தியசாலையில் சிகிச்சை பெற்று வருகின்றனர் .

இதனால், குறித்த பகுதியில் பதற்ற நிலை ஏற்பட்டுள்ளதாகவும் மீண்டும் மோதல் ஏற்படாமல் தடுப்பதற்கு, முழங்காவில் பொலிஸார்  கண்காணிப்பு கடமையில்  ஈடுபடுத்தப்பட்டுள்ளதாகவும் தெரிய வருகின்றது.

குறித்த சம்பவம் தொடர்பான  மேலதிக தகவல் எதனையும் பெற முடியவில்லை. மேலதிக விசாரணைகளை முழங்காவில் பொலிஸார் மேற்கொண்டு வருகின்றனர்.