விற்பனை நிலையம் தீக்கிரை

-க. அகரன், ரொமேஸ் மதுசங்க

வவுனியா - பட்டானிசூரில் அமைந்துள்ள மோட்டார் சைக்கிள் விற்பனை நிலையம் ஒன்று, இனந்தெரியாதோரால் தீக்கிரையாக்கப்பட்டுள்ளது.

இச்சம்பவம், இன்று (25) அதிகாலை 2 மணியளவில் இடம்பெற்றுள்ளது.

பட்டானிசூர் பிரதான வீதியில் அமைந்துள்ள, தனியாருக்குச் சொந்தமான மோட்டார் சைக்கிள் விற்பனை நிலையமே, இவ்வாறு தீக்கிரையாக்கப்பட்டுள்ளது.

இதனால், 21 மோட்டார் சைக்கிள் முற்றாகவும் பகுதியளிவிலும் சேதமடைந்துள்ளதுடன், பல இலட்சம் ரூபாய் பெறுமதியான பொருட்களும் எரிந்த நாசமாகியுள்ளன.

இச்சம்பவம் தொடர்பாக, வவுனியா குற்றத்தடுப்புப் பிரிவு பொலிஸாரும் தடயவியல் பொலிஸாரும் இணைந்து, விசாரணைகளை முன்னெடுத்து வருகின்றனர்.