விலையேற்றத்துக்கு எதிராக ஆர்ப்பாட்டம்

எரிபொருள் மற்றும் அத்தியாவசிய பொருளின் விலையேற்றத்துக்கு எதிர்ப்பு தெரிவித்து, சமூக விழிப்புணர்வுக்கான மக்கள் அமைப்பினர் வவுனியா பழைய பஸ் நிலையத்துக்கு முன்பாக இன்று (23) ஆர்ப்பாட்டத்தில் ஈடுபட்டனர்.

இதன்போது, “நிறுத்து, நிறுத்து விலையேற்றத்தை நிறுத்து, அரிசி தேங்காய்க்கு விலையேற்றம் பியருக்கோ விலை குறைப்பு, குடிக்க கொடுத்து குடி கெடுக்கும் அரசாங்கம், எரிபொருள்களின் விலையேற்றத்தை மீளப்பெறு” போன்ற கோசங்களை எழுப்பியதுடன் பதாகைகளையும் தாங்கியவாறு ஆர்ப்பாட்டத்தில் ஈடுபட்டிருந்தனர்.