பொலிஸ் நிலையத்துக்கு முன்பாகவுள்ள உணவகத்தில் திருட்டு

-நடராசா கிருஸ்ணகுமார், சுப்பிரமணியம் பாஸ்கரன்

கிளிநொச்சி அக்கராயன் பகுதியிலுள்ள உணவகமொன்றில் வெள்ளிக்கிழமை(17) இரவு கொள்ளையிடபட்டுள்ளதாக உணவக உரிமையாளரினால் முறைப்பாடு செய்யப்பட்டுள்ளதாக கிளிநொச்சி பொலிஸார் தெரிவித்தனர்.

சுமார் 50 பவுண் தங்கநகை, 3,50,000 ரூபாய் பணம், 30,000 ரூபாய் பெறுமதியான அலைபேசி அட்டைகள் மற்றும் சிகரெட் பெட்டிகள் என்பவை திருடப்பட்டுள்ளதாக தெரிவிக்கப்படுகின்றது.

அக்கராயன் சந்தியிலுள்ள பொலிஸ் நிலையத்துக்கு முன்பாகவுள்ள உணவகத்திலேயே இந்த திருட்டு இடம்பெற்றுள்ளதுடன் சம்பவம் தொடர்பான மேலதிக விசாரணைகளை கிளிநொச்சி பொலிஸார் மேற்கொண்டுள்ளனர்.